ازاي اغير من نفسي

انا عندي ٢٠ سنة و كنت طول حياتي دايرة صحابي صغيرة لحد ما دلوقتي بقى معنديش صحاب خالص ف المكان اللي انا ساكنة فيه. من ساعت ما بدأت الاجازة وانا قاعدة ف البيت متحركتش ولا يوم علشان للاسف مش متعودة اعرف اخرج مع نفسي ولا ابسط نفسي لوحدي بس بقالي فترة عايزة اتعلم ده علشان مش عايزة افضل اعتمد على الناس طول حياتي انهم يكونوا موجودين. وشخصيتي بردو خجولة فا حتى ف الكلية مع اني شاطرة لما بيكون في فرص كويسة محدش بيختارني ليها لانهم عارفين كسوفي فا تقريبًا بيقرروا اني مش هنفع. لما حتى بحاول اجرب حاجة جديدة عليا بلاقي ناس بتقولي لا دي مش شبهك لا متعمليهاش طب ما انا لو فضلت خايفة ومبجربش اي حاجة هغير من نفسي ازاي. كل لما احاول اخرج من الكومفرت زون بتاعتي برجع تاني. لو ينفع حد يساعدني ويقولي طرق اقدر فيها اكتسب تجارب و افكار لحاجات اعملها لوحدي أكون شاكرة اوي.